موقع حلم بنوتة التعليمي
اهلا وسهلا بك زائرنا الكريم , إذا كانت هذه زيارتك الأولى للمنتدى , فيرجى التكرم بزيارة صفحة التعليمات للتسجيل . كم يشرفنا مشاركتك في المنتدى.

موقع حلم بنوتة التعليمي

نلتقي لنرتقي
 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 الصدقه مو بس بالفلوس..تعالي شوفي شلون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
السندريلا



عدد المساهمات : 13
تاريخ التسجيل : 29/01/2011

مُساهمةموضوع: الصدقه مو بس بالفلوس..تعالي شوفي شلون    الأربعاء فبراير 16, 2011 7:39 am




السلام عليكم ورحمة الله وبركاته

[ندعوك للتسجيل في المنتدى أو التعريف بنفسك لمعاينة هذه الصورة]


حابه اتكلم معاكم اليوم عن هالموضوع ( [url=http://www.q8yat.com/tags.php?tag=الصدقه]الصدقه [/url])
واااااااااايد منا عبالهم ان الصدقه ماتكون الا بدفع مبااااالغ من المال بس
ووااااااااايد منا بعد يعرفون ان هذا شي مو صحيح ويعرفون ان في اشيا وااااايد تعتبر صدقه لهم غير الفلوس
بس ماتحظرهم افكار او مايعرفون شنو هالاشيا اللي ممكن تعتبر لهم فيها صدقه
وبعضنا ماعنده راتب شهري او غير موظف ومايقدر يطلع مبلغ صدقه
علشان جذي حبيت اسوي هالموضوع واطرح فيه افكار للصدقات الكل يقدريستفيد منها


[ندعوك للتسجيل في المنتدى أو التعريف بنفسك لمعاينة هذه الصورة]

والحين بنبدأ بالأفكار ورجاءا منكم بنات اي وحده عندها فكره تضيفها لنا ولها الاجر:-

1-اذا عندج اي شي زايد بالبيت ومو محتاجته (ملابس-كتب-الكترونيات-العاب-مواعين-شنط-وغيرها ) على طوووووووول اتصلي بلجنة احياء التراث الاسلامي وهذااا رقمهم 25348661 بس دقي واسألي عن الفرع الأقرب لمنطقتكم.

2-اذا كان عندج حساب وعندج بطاقة بنك تقدرين تتبرعين الكترونيا وانتي قاااااااااعده ببيتج بدون اي تعب وعناء ولاااااااا تختارين المشروع اللي تبينه من كفالة يتيم وغيره وغيره ومن شركات مضمونه ومنها بيت الزكاة وهذا الموقع تعاااااااالي اعلمج شلون
[ندعوك للتسجيل في المنتدى أو التعريف بنفسك لمعاينة هذا الرابط]

اولا:-عبي البيانات....الجنسيه مقصود فيها لأيى دولة تحبين تتبرعين..العنوان البريدي مو شرط براحتج..اختاري نوع التبرع اللي تبينه وحطي اي مبلغ لووووو دينار واحد...وبعدا اضغطي بالاحمركلمة ( تبرع )
راح تنفتح لج صفحة الكي نت
اكتبي بأول مستطيل رقم بطاقة البنك الموجود على البطاقه من برا..وبعدين اختاري موعد انتهاء بطاقتج من الشهر والسنه ايضا مكتوب عالبطاقه وبعدين اكتبي رقمج السري..وضغطي ارسال وبعدين اكمال العمليه وعلى طووووووووول راح يوصل مسج بتلفونج اذا كنتي مشتركه بخدمه البنك لارسال الرسائل وهذي تعتبر من اكثر اللجان المضمونه

وفي مووووووقع ثاني بعد وهو جمعية الاصلاح الاجتماعي

[ندعوك للتسجيل في المنتدى أو التعريف بنفسك لمعاينة هذا الرابط]

اختاري المشروع اللي تبينه واتبعي نفس الارشادات اللي فوق

[ندعوك للتسجيل في المنتدى أو التعريف بنفسك لمعاينة هذه الصورة]

3-اذا كنتي بعرس او حفله او مناسبه وزاد عندكم الاكل دقي عاللجان الخيريه او نصحي اهل العرس وقوليلهم انا اعرف رقم اللجان اللي ايون علىطول وياخذونه ويوزعونه عالمساكين والاسر المتعففه ولج ولهم الاجر ان شاء الله

4- صفي النيه واقتنعي ان مافي احد يمد ايده جدام الناس واهو مو محتاج .. فاذا طلعتي السوق وشفتي مره تطلبج عطيها لو ربع دينار لو خرده زايده عندج لان الصدقه مو بالمبلغ بل بالنيه والاعمال بالنيات يعني حتى لو كانت اهيا جذابه يكون عملج وصل لربج لانج عملتي بنيتج ونويتيها صدقه

[ندعوك للتسجيل في المنتدى أو التعريف بنفسك لمعاينة هذه الصورة]


5- الكلمة الطيبه يا اختي صدقه قولي (شكرا-عفوا-جزاج الله خير-حياج الله-حبيبتي.....) كل هالتعامل الطيب يكون لج صدقه

6-الابتسامة في وجه الناس صدقه فحاولي اذا لاقيتي الناس تكونين بشوشه علشان الناس تحبج وتذكرج بالخير

[ندعوك للتسجيل في المنتدى أو التعريف بنفسك لمعاينة هذه الصورة]

7-الباقيات الصالحات المذكورات في القران الكريم كل واحده منهم صدقه فاكثري قولها وهم ( سبحان الله - الحمدلله -
لا اله الا الله - الله اكبر )


8-شغلج ببيتج وتربية عيالج تربيه صالحه ونصحهم بعمل الخير والصلاة والصيام وابعادهم عن المعاصي وتدبر امور بيتج وريلج تعتبر صدقه..مانقول خلي شغلج وقعدي بالبيت لكن حاولي اذا رديتي تستغلين وقتج مع اعيالج بشي مفيد

[ندعوك للتسجيل في المنتدى أو التعريف بنفسك لمعاينة هذه الصورة]انقر هنا لمشاهدة الصوره بحجمها الطبيعي. الحجم الاصلي لهذه الصوره هو 669x247 99kb[ندعوك للتسجيل في المنتدى أو التعريف بنفسك لمعاينة هذه الصورة]

9- الصبح لما تطلعين دوامج او تقعدين الضحى تتريقين فتحي باب الشارع وشوفي عمال النظافه اللي احنا بدونهم جان امراض الدنيا فينا ينظفون بهالبرد ويقعدون من الفير..لاتقولين نصابين ومافيهم صدقه..صفوا النيه خواتي وانتي اذا اعطيتي شي تعطينه لربج وليس لخلقه..اعطيهم من اكلج خبزه ولا تمره ولا حليب دافي ولا عصير فكل ريق تبلينه لج فيه صدقه

10-اذا طلعتي للسوق حطي بجنطتج حلويات ومصاص وككاو واذا لقيتي الحريم اللي يطلبونج بالشارع ومعاهم يهال عطيهم من هالحلويات شووووووووووفي [url=http://www.q8yat.com/tags.php?tag=شلون]شلون [/url]تونسينهم شي مو طبيعي

[ندعوك للتسجيل في المنتدى أو التعريف بنفسك لمعاينة هذه الصورة]

11-اذا رحتي دوامج الصبح مري اي مطعم هندي واخذي فطاير فلافل ب 100 فلس ووزعيها عالخدم والفراشات هناك وقولي عساها دفعة بلاء عني وعن اهلي

12-حطي لعيالج بالبيت حصالة وقوليلهم هذي بنخصصهااااا للصدقه ياعيالي علشان الله يدفع عننا البلاءوعلميهم بهالطريقه فضل الصدقه وقوليلهم اي خرده زايده من المطعم او شي بنحطها اهني وروحي انتي وياهم وحطيها بصندوق الصدقات
التعليم في الصغر كالنقش عالحجر


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همسة خجل



عدد المساهمات : 5
تاريخ التسجيل : 14/02/2011

مُساهمةموضوع: رد: الصدقه مو بس بالفلوس..تعالي شوفي شلون    الأحد فبراير 20, 2011 10:37 am

رائــع جدا الله يعطيكي العــافــيه
تــقــبــلي مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الصدقه مو بس بالفلوس..تعالي شوفي شلون
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع حلم بنوتة التعليمي :: المنتديات العامة :: المنتدى الإسلامي-
انتقل الى: